دل کو چھو لینے والے اسلامی اقوال
١.دنیا اہل علم کے لیے غرور ، آخرت اہل علم کے سرور اور اللہ تعالی کی دوستی اہل معرفت کے لیےسراسرنور ہے
٢.اگر کوئی تم پر احسان کرے تو پہلے حق کا شکر ادا کرو، پھر اس کا کیونکہ خدانے اسے تم پر مہربان کیا ہے
٣.نیکوں کی صحبت کا ر نیک سے بہتر ہے اور بدوں کی صحبت کار بد سے بدتر ہے۔
٤.اللہ تعالیٰ کی محبت یہ ہے کہ دنیا اورآخرت ہر دو کو دوست نہ رکھے ۔
٥.جس کام کو میں سب سےموخر جانتا تھا ،وہ مقدم کام تھا یعنی والدہ کی رضا مندی ۔
٦.کسی نے کہا، متکبر کسے کہتے ہیں ،فرمایاجو شخص تمام عالم میں اپنے سے زیادہ کو ئی خبیث چیز دیکھے۔
٧.اپنی نیکی اور دوسروں کی بھلائی بھول جا۔
٨.وہ خدا سے بہت قریب ہے جو خوش خلقی اور دوسروں کا بوجھ اٹھانے والا ہے
٩.ملک ایک کھیتی ہے اور عدل اس کا پاسبان ، پاسبان نہ ہو تو کھیتی اجڑ جاتی ہے ۔
١٠.حیات علم ہے ،راحت معرفت میں ،ذوق ذکر میں۔
١١.عارف کا کمتر درجہ ہے کہ خدا تعالیٰ کی صفات اس میں پائی جائیں۔
١٢.وہی شخص خدا تک پہنچا جس نے حرمت کی حفاظت کی اور جس نے حرمت کو چھوڑ دیا وہ راہ خدا سےبے راہ ہوگیا۔
١٣.جو کوئی اپنے نفس کو برا نہیں جانتا وہ کسی کا م کا نہیں ہے
١٤.ایسی کوشش کرو کہ سوائے اللہ تعالی کے تمہیں اور کچھ دکھائی نہ دے اور اس کے ساتھ تمہاری تمام عمر بسر ہو جائے ۔
١٥.اللہ تعالیٰ جسے برگزیدہ کرتا ہے ، اس پر ایک فرعون مقرر کر دیتا ہے تاکہ وہ اسے تکلیف دے۔
١٦.نفس ایک ایسی صنف ہے جو سوائے باطل کے اور کسی طرح نہیں جاتی ، یعنی نفس ہر وقت باطل کی طرف مائل رہتا ہے
